Ko bawa sa jauh skali

 

Ko bawa sa jauh skali,

jauh sampe sa lupa jalan pulang,

sampe sa kasih habis semua yang sa punya,

hati, rasa, sampe mimpi-mimpi kecil dulu.

Trus ko pergi...

tanpa kata, tanpa alasan yang jelas,

tinggal sa deng tanya-tanya sendiri

di sunyi yang tra ada jawaban.

Tapi biar bagitu,

kenangan itu tra bisa hilang,

dia tetap hidup dalam sa pu hati,

redup-redup tapi abadi selalu.

Sa ingat waktu itu,

kita cuma ketawa sederhana,

jalan tanpa arah,

tapi rasa penuh bahagia.

Ternyata...

bahagia sederhana itu

perna nyata, perna ada,

walau sekarang tinggal cerita.